Interesting place in Cambodia

Friday, September 16, 2016

Wednesday, September 14, 2016

គឺជារមណីយដ្ឋានទេសចរណ៍ ធម្មជាតិមួយក្នុងចំណោមឧទ្យានជាតិធំៗនៅក្នុងព្រះរាជាណាចក្រកម្ពុជា ដែលមានសម្រស់ទេសភាពប្រៀបបាននឹងឋានសួគ៌លម្អដោយដើមស្រល់ដុះពី ធម្មជាតិនៅលើខ្ពង់រាបគិរីរម្យ និងមានទឹក ជ្រោះជាច្រើនកន្លែងរួមទាំងហ្វូងម្រឹគីម្រឹគារស់នៅទីនោះថែមទៀតផង។

ភ្ញៀវទេសចរអាចធ្វើដំណើរពីក្រុងភ្នំពេញទៅទស្សនារមណីយដ្ឋាននេះបាន តាមរយៈកំណាត់ផ្លូវជាតិលេខ៤លុះធ្វើដំណើរទៅដល់បង្គោលគីឡូម៉ែត្រលេខ ៨៧ត្រង់ម្តុំផ្លូវបំបែកត្រែងត្រយឹងនឹងបានឃើញផ្លូវបំបែកទៅខាងស្តាំ ដៃមួយឆ្ពោះទៅកាន់តំបន់គិរីរម្យដែលស្ថិតក្នុងចម្ងាយ ផ្លូវ២៧គីឡូម៉ែត្រ ក្នុងនោះរយៈចម្ងាយ ផ្លូវ១០គីឡូម៉ែត្រដំបូងគឺជាផ្លូវរាបស្មើនឹង១៧ គីឡូម៉ែត្របន្ទាប់ គឺជាផ្លូវឡើងចុះភ្នំ។

រមណីយដ្ឋានគិរីរម្យមានចម្ងាយផ្លូវពីរាជធានីភ្នំពេញ១១៤គីឡូម៉ែត្រ រមណីយដ្ឋានគិរីរម្យគឺជាតំបន់ឧទ្យានធម្មជាតិដ៏ធំ និងនៅ ជិតរាជធានីភ្នំពេញផងដែរ។

តំបន់នេះរាជរដ្ឋាភិបាលកម្ពុជាបានចុះបញ្ជីរមណីយដ្ឋាន គីរីរម្យជាឧទ្យានជាតិព្រះសុរាម្រឹតដែលមានផ្ទៃដី៥០០០ហិកតាតាម ព្រះរាជក្រឹត្យរបស់ព្រះករុណាព្រះបាទសម្តេចព្រះនរោត្តម សីហនុវរ្ម័នចុះថ្ងៃទី០១ វិច្ឆិកា ឆ្នាំ១៩៩៣ និងបានសម្ពោធជាផ្លូវការនៅថ្ងៃទី០៥ ខែមិថុនា ឆ្នាំ១៩៩៥ ហើយក៏បានចងក្រង ទុកជាប្រវត្តិផងដែរ។

Tuesday, September 13, 2016

ថានសួរ បូរគោ

បុរីបូកគោមានកម្ពស់១០៧៥ម៉ែត្រ ដែលមានអាកាសធាតុអំណោយផល និងទេសភាពដ៏ត្រកាល។ ដើមឈើធំៗដែលផ្តល់ម្លប់ដ៏ត្រឈឹងត្រឈៃ ទឹកជ្រោះ និងព្រៃភ្នំក្រំថ្មគិរីបុព្វតាដែលមានសត្វម្រឹគីម្រឹគានិងបក្សាបក្សីជាច្រើន គួរជាទីចាប់ចិត្តដិតអារម្មណ៍ដល់អ្នកទេសចរ។ នៅពេលឡើងដល់កំពូលភ្នំ អ្នកទេសចរអាចមើលឃើញក្រុងកំពត ឆ្នេរកែប ខេត្តព្រះសីហនុ និងទឹកសមុទ្រពណ៌ខៀវស្រងាត់។ ដោយមានចម្ងាយ៧គីឡូម៉ែត្រពីបុរីនេះ កន្លែងដែលអាចហែលទឹកបានស្ថិតនៅឯទឹកធ្លាក់ពពកវិល។ អ្នកទេសចរអាចងូត និងហែលទឹកលេងកម្សាន្តនៅទីនោះបានផងដែរ៕

Wednesday, September 7, 2016

កោះរ៉ុង

កោះរ៉ុងមានចំងាយ ប្រហែល 22 គីឡូម៉ែត្រពីភាគខាងលិចនៃក្រុងព្រះសីហនុ។

យើងអាចប្រើពេលពី ២ ទៅ៣ម៉ោងដោយទូកយឺតឬ 45 នាទី ទៅ ១ម៉ោង ដោយប្រើទូកលឿន ។ថ្លៃសំបុត្រធ្វើដំណើរទៅមក តម្លៃប្រហែល 20.00 $ - $ 30.00 អាស្រ័យលើប្រភេទនៃទូក។ កោះរ៉ុងគឺជាកន្លែងសំរាកលំហែដ៏អស្ចារ្យបំផុត វាមានទេសភាដ៏ស្រស់ត្រកាល ជាមួយនិង ឆ្នេរខ្សាច់ស្រស់ស្អាត ពេលដែលលោកអ្នកទៅដល់ភ្លាមរាល់ទុក្ខកង្វល់ដែលលោកអ្នកមានទាំងប៉ុន្មានវានឹងរសាយទៅតាមទឹករលក។ហើយបឹងហ្គាឡូទាំអស់នៅលើកោះនោះគឺជាប់ឆ្នេរតែម្តង។

អ្នកអាចដើរកំសាន្តនៅលើឆ្នេរ ហែលទឹក ជិះទូកកំសាន្តទៅកោះផ្សេងៗដែលនៅក្បែរៗ នោះ ហើយអ្នកក៏អាច ទៅ Snorkeling ឫ ស្ទូចត្រីជាដើម មិនតែប៉ុណ្ណោះអ្នកក៏អាចទៅជិះខ្សែរ៉ត ឫដើកំសាន្តព្រៃនៅលើកោះ នោះផងដែរ។